Mtuhumiwa wa Mauaji ya Beatrice Minja Afariki Dunia

Rombo, Januari 02, 2024 - Mtuhumiwa Lucas Tarimo, ambaye alikamatwa mnamo Disemba 31, 2023, kwa tuhuma za mauaji ya kumchoma visu Beatrice Minja, amefariki dunia leo huko Wilaya ya Rombo, Mkoani Kilimanjaro.

Msemaji wa Jeshi la Polisi nchini, Kamishna Msaidizi Mwandamizi wa Polisi SACP David Msiime, ametoa taarifa leo, akieleza kuwa Tarimo amefariki dunia akiwa bado anapatiwa matibabu baada ya kunywa sumu ya kuua wadudu, akihofia kukamatwa na kufikishwa mbele ya sheria.

SACP Msiime ameongeza, "Taratibu nyingine za kisheria zinafuata kuhusiana na tukio hilo, huku jeshi la polisi likiendelea na uchunguzi wa kina."

Awali, https://habaritanzaniagracemacha.blogspot.com/2023/12/mtuhumiwa-wa-mauaji-ya-beatrice.html

Tukio hili linahitimisha kipindi cha sintofahamu kufuatia mauaji ya Beatrice Minja na inaacha maswali mengi kuhusu mazingira yanayosababisha visa vya ukatili wa kijinsia na upotevu wa maisha.

Jamii inaendelea kutafakari juu ya hatua zinazohitajika kuchukuliwa ili kuzuia matukio kama hayo na kuleta haki kwa wahanga wa ukatili.