Vigogo Sita Wakutwa na Hatia Kikiuka Maadili Ya Viongozi wa Umma

 

Vigogo sita wa umma wameshitakiwa kwa kukiuka sheria ya maadili ya viongozi wa umma baada ya kushindwa kuwasilisha tamko la raslimali na madeni kama inavyotakiwa na sheria. 

Tukio hili lilitokea mbele ya Baraza la Sekretarieti ya Maadili ya Viongozi wa Umma, lilio chini ya Mwenyekiti, Jaji Mstaafu Rose Teemba, ambapo walalamikiwa mbalimbali walikiri makosa yao.

Miongoni mwa waliokutana na Baraza hilo ni madiwani wawili kutoka Halmashauri ya Wilaya ya Mkinga mkoani Tanga, Mwandei Mohamed wa Jimbo la Mtimbwani na Mussa Buhero wa Jimbo la Mayomboni. 

Wengine ni pamoja na Msajili wa Hati Msaidizi wa Mkoa wa Tanga, Mwajuma Kihiyo, na Hakimu Mziray, pia walikubali kutowasilisha tamko la raslimali na madeni kwa kipindi kilichotajwa.

Wakili Emma Geleni, alieleza mbele ya Baraza kuwa, "Mlalamikiwa aliingia katika uongozi mwaka 2020 na alikiri kwamba mwaka 2021 hakuwasilisha tamko lake la raslimali na madeni, kinyume na matakwa ya Sheria ya Maadili ya Viongozi wa Umma."

Hii ni baada ya kuhojiwa na Mwenyekiti wa Baraza, Jaji Mstaafu Teemba, ambaye alieleza kuwa, "Mlalamikiwa alikiri makosa hayo na hivyo tunamtia hatiani kwa kushindwa kutimiza wajibu wake mbele ya umma."

Kuhusu Hakimu Mziray, Wakili Mayunga alisema, "Hakimu Mziray ameishi katika nafasi hiyo tangu mwaka 2010 lakini hakuwasilisha tamko la raslimali na madeni kwa miaka mitatu mfululizo, kuanzia mwaka 2022 hadi 2023."

Katika upande mwingine, Msajili Mwajuma Kihiyo alikiri kutowasilisha tamko lake kwa miaka miwili mfululizo. Hali hiyo ilijitokeza wakati akishughulikia majukumu yake katika ofisi hiyo tangu mwaka 2020.

Wakati wa utetezi, Columba alikiri kukosa kutekeleza wajibu wake na kusema, "Ninakubaliana na maelezo haya ya kukosa kujaza tamko langu, ingawa kumbukumbu zinaonyesha nilijaza fomu kwa mwaka 2022, lakini sina hati ya kuthibitisha."

Alipoulizwa kuhusu mwaka 2023, alikiri kutochelewa kujaza fomu hizo lakini baada ya kutojibu mara nyingi alikiri kuwa hakuwa amezijaza kwa wakati.

"Umekiri mwenyewe hukujaza fomu kwa wakati uliotakiwa. Baraza litaendelea na utaratibu unaotakiwa," alisisitiza Jaji Mstaafu Teemba.

Kwa upande wa Diwani Mhina, Wakili Lidya alisema, "Mhina hakuwasilisha tamko la raslimali na madeni kwa mwaka 2022 na 2023 kama inavyotakiwa." Hata hivyo, Mhina alijitetea akisema kuwa, "Hili lilitokana na changamoto za utumaji wa fomu, lakini baada ya kuanzishwa kwa njia ya mtandao, kosa hili halitajitokeza tena."

Baraza hilo limeahirishwa hadi Machi 28, 2025, ambapo utaratibu wa kutoa maamuzi kuhusu washitakiwa utaendelea.

Katika kesi hii, Wakili Mkuu wa Serikali, Emma Geleni, alisaidiana na mawakili wengine, akiwemo Hassan Mayunga, Lidya Mwakibete, na Hilary Hassan katika utetezi wa Sekretarieti ya Maadili ya Viongozi wa Umma. Kesi hii inahusisha ukiukwaji wa kifungu cha 9(1B) cha Sheria ya Maadili ya Viongozi wa Umma, ambapo viongozi hawa walikiri kutowasilisha tamko lao la raslimali na madeni kama inavyotakiwa.