#UPDATES: WALIOMPIGA RISASI LISSU WALIMFUATILIA KUANZIA AKITOKA BUNGENI

Mbunge Joseph  Selasini amesema Rais wa TLS, Tundu Lissu alianza kufuatiliwa na watu waliompiga risasi mikononi, miguuni na tumboni kuanzia alipotoka bungeni.

Amesema  Mbunge huyo wa Singida Mashariki, Tundu Lissu alifuatiliwa na watu hao waliokuwa kwenye gari ambalo namba zake hazijafahamika mpaka nyumbani kwake kisha wakammiminia  risasi.

Selasini amesema kuwa dereva wa Lissu alimweleza kuwa alibaini  kuwa gari lao  linafuatiliwa hivyo akamueleza Lissu.              

Selasini alisema dereva alimweleza kuwa walipofika  nyumbani kwa Lissu alimsihi bosi wake asishuke ndani ya gari.                      

"Hao watu walipoona hawashuki walijifanya kuna kitu wanaangalia walivyoona kuna utulivu walisogeza gari lao ambalo ni tinted na kuanza kurusha risasi zisizo na idadi upande wa Lissu," alisema Selasini na kuongeza.                  

 “Risasi zilimpata mguuni, mkononi na tumboni lakini daktari anasema anaendelea vizuri."

Baada ya tukio hilo Lissu anapatiwa matibabu kwenye Hospitali ya Rufaa ya Dodoma.