UPDATES: Gari lawagonga watembea kwa miguu London

Vyombo vya habari nchini Uingereza vimeripoti kuwa gari moja limewagonga watembea kwa miguu na kusababisha watu kadhaa kujeruhiwa.

Tukio hilo limetokea muda mfupi tu baada ya kutimia saa sita usiku kuamkia leo Jumatatu kwenye barabara yenye shughuli nyingi. Vyombo hivyo vya habari vimesema watoaji huduma kwa wagonjwa wanawasaidia waathirika.

Polisi jijini London imesema imemtia nguvuni mtu mmoja anayehusishwa na tukio hilo. Walitoa taarifa iliyosema kuwa taarifa zaidi zitatolewa baada ya kuthibitishwa.

Mapema mwezi huu jijini humo, gari moja liliwavamia na kuwagonga watembea kwa miguu kwenye daraja la London. Baadaye wanaume walitoka kwenye gari hilo na kuanza kuwashambulia watu kwa kutumia visu. Hakuna uthibitisho wa matukio hayo mawili kuwa na uhusiano.