Ndege ya Makamu wa Rais wa Malawi Yatoweka

 

Ndege iliyokuwa imebeba Makamu wa Rais wa Malawi, Saulos Chilima, pamoja na watu wengine tisa, imetoweka, kulingana na taarifa kutoka ofisi ya rais. 

Ndege ya Jeshi la Ulinzi la Malawi ilitoweka kwenye rada baada ya kuondoka Lilongwe Jumatatu Juni 10,2024 asubuhi. Ilitarajiwa kutua katika Uwanja wa Ndege wa Kimataifa wa Mzuzu saa 10:00 asubuhi saa za huko. 

Rais Lazarus Chakwera alithibitisha kuendelea kwa operesheni ya kuwasaka na kuwaokoa abiria. Sababu ya kutoweka bado haijulikani.

Rais Chakwera alighairi safari yake ya kuelekea Bahamas ili kushiriki mchakato wa kutafuta ndege hiyo. 

Saulos Chilima alikuwa akielekea kuiwakilisha serikali katika mazishi ya aliyekuwa waziri wa mawaziri Ralph Kasambara. 

Uwanja wa ndege wa Mzuzu ulikuwa karibu zaidi na mahali pa mazishi.

Saulos Chilima, mwenye umri wa miaka 51, ni Makamu wa Rais wa Malawi tangu 2014. Kabla ya siasa, alishikilia nyadhifa muhimu za uongozi katika kampuni za kimataifa kama Unilever na Coca Cola. 

Ni mtendaji na mchapa kazi, mwenye PhD katika Usimamizi wa Maarifa.