JAMHURI YA MUUNGANO WA TANZANIA
WIZARA YA MAMBO YA NDANI
JESHI LA POLISI
TANZANIA
TAARIFA KWA VYOMBO VYA HABARI
KUTOKA OFISI YA KAMANDA WA POLISI MKOA WA ARUSHA
TAARIFA YA KUKAMATWA KWA WATUHUMIWA WATANO WAKIWA NA MADAWA YA KULEVYA
AINA BHANGI MAGUNIA SABA (7).
MNAMO
TAREHE 01/08/2014 MUDA WA SAA 3:30 USIKU HUKO KATIKA MAENEO YA SANAWARI JIJINI
ARUSHA, ASKARI POLISI WAKIWA DORIA WALIPATA TAARIFA TOKA KWA RAIA WEMA ZILIZOELEZA
KUWEPO KWA WATU AMBAO WALIKUWA WANASAFIRISHA MADAWA YA KULEVYA AINA YA BHANGI.
MARA BAADA
YA TAARIFA HIYO, ASKARI HAO WALIFUATILIA NA KUFANIKIWA KUWAPATA WATUHUMIWA
WAWILI AMBAO NI HUSSEIN S/O RASHID (35)
MKAZI WA SAKINA NA NDIO DEREVA WA GARI HILO PAMOJA NA SEBASTIAN S/O WILBERT MAHONDE (37) FUNDI MAGARI MKAZI WA
ILBORU WALIOKUWA WANATUMIA GARI AINA YA TOYOTA COROLLA LENYE NAMBA ZA USAJILI T. 589 AZS LILILOKUWA
LINATOKEA EKENYWA NGARAMTONI KUELEKEA NCHINI KENYA KUPITIA NJIA YA TARAKEA.
ASKARI HAO
WALIENDELEA NA UPEKUZI NA KUBAINI GUNIA TANO ZA MADAWA HAYO NDANI YA GARI HILO
ZENYE UZITO WA KG 171. KATIKA MAHOJIANO WATUHUMIWA HAO WALIKIRI KOSA HILO NA
KUELEZA KWAMBA MADAWA HAYO WALIUZIWA NA MTU AITWAYE FLORA W/O JOHN (38) MKULIMA MKAZI WA EKENYWA.
ASKARI HAO
WALIENDELEA KUFUATILIA TAARIFA HIZO AMBAPO LEO TAREHE 05/08/2014 WALIKWENDA
ENEO LA EKENYWA-NGARAMTONI NA KUFANIKIWA KUMKAMATA MUUZAJI FLORA W/O JOHN PAMOJA NA MUME WAKE AITWAYE JOHN S/O MELEJI (45) MLINZI WA TPRI MKAZI WA EKENYWA AMBAPO MARA
BAADA YA UPEKUZI WALIKUTA GUNIA JINGINE LA MADAWA HAYO AINA YA BHANGI.
MBALI NA
WATUHUMIWA HAO PIA ASKARI HAO WALIMKAMATA LOSERIANI
S/O METELAMI (21) MKULIMA MKAZI WA EKENYWA AKIWA NA GUNIA MOJA LA MADAWA
HAYO AMBAYE ANAISHI JIRANI NA WATUHUMIWA WENZAKE HIVYO KUFANYA JUMLA YA GUNIA
ZILIZOKAMATWA KUWA 7 (SABA).
MPAKA HIVI
SASA TUNAENDELEA KUWAHOJI WATUHUMIWA WOTE WATANO NA WATAFIKISHWA MAHAKAMANI
PINDI UPELELEZI UTAKAPOKAMILIKA. ASANTENI KWA
KUNISIKILIZA.
IMETOLEWA NA
KAMANDA WA POLISI MKOA WA ARUSHA,
KAMISHNA MSAIDIZI
MWANDAMIZI WA POLISI,
(SACP) LIBERATUS
SABAS TAREHE 05/08/2014.
