KATIBU MKUU UWT AMEWAHAMASISHA WANAUME KUWAUNGA MKONO WANAWAKE

Katibu Mkuu wa Jumuiya ya Umoja wa Wanawake wa Tanzania (UWT), Suzan Kunambi (MNEC)amewataka wanaume kuwaunga mkono Wanawake watakaojitokeza kugombea nafasi  mbalimbali za uongozi katika uchaguzi wa serikali za mitaa wakati utakapofika. 

Amesema hayo wakati akizungumza na wananchi katika Mkutano wa hadhara uliyofanyika  kata ya Murungu Wilaya ya Kibongo mkoani Kigoma leo tarehe 17 Julai 2024 ikiwa ni muendeleo wa ziara zake mkoani humo

 

 Pia Kunambi amesema Wanawake wanauwezo mkubwa wa  uwongozi na kinara wa kuonesha uwezo huo ni  Mwenyekiti wa CCM Taifa  na Rais wa Jamhuri ya Muungano wa Tanzania Dkt Samia Suluhu Hassan kwa namna anavyoingoza Tanzania kwa umahiri wa hali juu.                                                    

Aidha, ametoa wito kwa wanawake kuwacha uoga na kujitokeza kugombea katika mitaa,vijiji na Vitongoji wakati ukifika ili kupata nafasi ya kuingia katika mabaraza ya maamuzi.