Mtangazaji Maarufu Khadija Shaibu (Didah) Afariki Dunia

Mtangazaji maarufu nchini, Khadija Shaibu, aliyekuwa akijulikana kwa jina la Didah, amefariki dunia, Oktoba 4, 2024. 

Taarifa za kifo chake zimethibitishwa na mtangazaji mwenzake, Maulid Kitenge, kupitia akaunti zake za mitandao ya kijamii.

Kulingana na taarifa zilizotolewa kwenye ukurasa wa Instagram wa Maulid Kitenge, Didah aliumwa na kulazwa katika Hospitali ya Muhimbili, ambapo mauti yalimpata. 

Didah alikuwa mtangazaji mkongwe na kabla ya kifo chake, alifanya kazi katika Wasafi FM, akiwa na mchango mkubwa katika tasnia ya utangazaji nchini. 

Mwangwi wa kifo chake utaendelea kukumbukwa na wapenzi wa utangazaji na jamii kwa ujumla.