Hispania Yanyakua Kombe la Euro 2024 kwa Kuichapa Uingereza 2-1

 

TIMU ya Taifa ya Hispania imefanikiwa kunyakua Kombe la Euro 2024 baada ya kuichapa Uingereza mabao 2-1 katika fainali iliyochezwa kwenye dimba la Olympiastadion, Berlin nchini Ujerumani.

Hispania walianza kupata bao kupitia kwa Nico Williams dakika ya 47 ya kipindi cha pili, baada ya kupokea pasi kutoka kwa nyota Yamal.

Dakika ya 72, nyota wa klabu ya Chelsea, Cole Palmer, aliweza kuisawazishia timu yake kwa bao zuri baada ya kupokea pasi kutoka kwa Jude Bellingham.

Mikel Oyarzabal aliweza kufunga bao la pili na la ushindi kwa Hispania, baada ya kupokea pasi kutoka kwa Marc Cucurella dakika ya 86 ya mchezo, na hivyo kumaliza hesabu kwenye fainali hiyo.

Mchezaji bora wa mashindano hayo alitangazwa kuwa ni nyota wa Manchester City, Rodri, kwa mchango wake mkubwa katika timu ya Hispania.