HABARI KUU : CHADEMA Yamtimua Kiongozi Arusha. Mwingine kufuata? Golugwa anena Mazito. Ipo hapa Video Mwanzo Mwisho

Ni taarifa ya chama cha Demokrasia na Maendeleo Chadema ya kuwafukuza uanachama viongozi wake wawili ambao kwa mujibu wa chama hicho walikwenda kinyume cha kanuni na taratibu za chama hicho.

Mwenyekiti wa Chadema mkoa wa Arusha Mh. Amani Golugwa (Katikati) Picha ya V.O.A TV

Katika kikao cha Mwenyekiti wa CHADEMA Mkoa wa Arusha na katibu wa Chama hicho kanda ya kaskazini Bw. Amani Golugwa na waandishi wa habari katika makao makuu ya chama hicho Arumeru Mashariki amethibitisha uhalali wa kufutwa uananchama na dhamana ya uongozi waliyopata kupitia Chadema.

Mh. Golugwa amesema Chama hicho ni chama makini katika utendaji na utekelezaji wa majukumu yake katika jamii yenye uhitaji. Amesema chama hicho hakitamvumilia mwanachama yeyote atakayekwenda toauti na kanuni , taratibu na katiba ya chama hicho. “Ni Bora kuwa na watu wa chache kuliko kuwa na watu wengi wanafiki” Mh. Golugwa.

Kabla ya kikao hicho rasmi ya Chadema kulikuwa na tetesi kuwa Diwani wa wake amejiuzulu tetesi ambazo zilishika kasi hasakatika mitandao ya kijamii. Kikao hicho kilikuwa na lengo la kuweka wazi hali hiyo ya sintofahamu iliyokuwa ikiendelea na chama hicho Arumeru.

Bw.  Golugwa anasema “ Tuna shauri inayomuhusu Ndugu Emanuel Mollel diwani wetu katika kata ya Makiba na Josephine Anaeli diwani wetu wa viti maalumu , siku za hivi karibuni kumekuwa na uvumi katika mitandao ya kijamii kwamba Ndugu Emanuel Mollel amejiuzulu  ambapo ofisi yetu ya chama Arumeru Mashariki ikapokea barua ya Ndugu Emanuel Mollel akijieleza kwamba anaomba kujiuzulu na kujivua uanachama baada yak kupokea barua ile kamati yetu tendaji ya chama ikakutana. Tuligundua mapungufu makubwa katika barua ile  pungufu kubwa lilikuwa lile barua halijasainiwa na haikuwa imewekwa tarehe ya kuandikwa chama kikatumia hekima ya kumuandikia barua ndugu Emanuel nakuthibithisha kwa maneno yake kuwa amejiuzulu” Alisema Mh. Golugwa

Katika hatua nyingine chama hicho kupitia Kiongozi wake huyo wa ngazi za juu ilitoa ufafanuzi juu ya Aliyekuwa Diwani wa viti Maalum wa Chama hicho Ndugu Josephine Anaeli kwamba pamoja na tetesi kuwa huenda akafutwa uanacha au kuvuliwa uanachama amesema Ndugua Josephine amekuwa akibadilika siku hadi siku ikiwa ni pamoja na kwenda kinyume na madiwani wengine na kwamba amekuwa akionesha kila dalili za uzembe katika kushughulikia masuala mbalimbali ya wananchi. Kiongozi huyo wa ngazi za juu wa Chadema ameeleza kuwa kama viongozi wa chama Mkoa wamekuwa wakipata malalamiko mara kadhaa kuhusiana na Ndugu Josephine na Emanuel Mollel ambao wote wamekuwa vibaraka wa kukiuza chama hicho kwa kushirikiana na chama cha mapinduzi. 

Viongozi mablimbali wa chama hicho Arumeru Mashariki pamoja naMwenyekiti wa Chama hicho mkoa wa Arusha na katibu Kanda ya kaskazini Mh. Amani Golugwa.  Picha ya V.O.TV

Ni Utaratibu uliozoeleka kuwa kiongozi lazima awe amejitosheleza kiasi cha asiwe ombaomba Bw. Golugwa amesema Ndugu Emanuel Mollel amekuwa akikopa huku na kule na kuonekana katika ameneo mabalimbali ambayo chama ingemtilia shaka hasa kwa kuwa na ushirikiano na viongozi teule wa serikali ya chama tawala.

Mh. Golugwa ameeleza kwa kabla ya kufika hatua ya Diwani huyo Ndugu Eamanuel kutaka kujiuzulu amekuwa akituhumiwa na chama kwa kutoshiriki ipasavyo katika majukumi ya kiutendaji hasa kusimamia miradi ya maendeleo , kushiriki vikao, na kutotoa taarifa za kiutendajia mambo ambayo alishindwa kutekeleza na hatimaye kuamua kujiuzulu.

“kwa mujibu wa Ibara ya Chadema 5;4;1 mwanachama anaweza kukoma unachama kwa hiari yake. Kabla Chama kilimtaka Ndugu Emanuel kujibu tuhuma zilizomkabili , Amekuwa akituhumiwa kwa kutosimamia miradi na kutotoa taarifa za kimaendeleo”

Nimekuwekea Full video kutoka V.O.A TV bomyezakitufe cha play kuona alichosema Mh. Golugwa 

Aidha katika mazungumzo Zaidi Bw. Golugwa amefafanua kuhusiana na taarifa za chama hicho kumtuhumu Diwani wa Viti maalum Ndugu Josephine Anaeli “Tumepokea nakala ya barua yake barua yake aliandika kwa mkurugenzi na nakalaikaenda kwa Mwenyekiti wa halmashauri na nakala nyingine imekuja kwa katibu wa chama Wilaya kama mamlaka ambayo imedhamini fomu zake , baada ya kupokea nakala zile tumemtafuta kwa jitihada zote kwa njia ya simu , barua kwa kupiga simu kwa ujumbe mfupi amekuwa hajibu , hata kikao cha leo ametaarifiwa ili aje ajieleze ajibu maswali kuwa nini kimetokea Bi Josephine amegoma na amekataa kuitikia wito.” Aliongeza Mh. Golugwaa

“ Bi. Josephine amekuwa akituhumiwa kwa kusababisha migogoro mingi sana ndani ya Chama cha ajabu sana amekuwa akigombana na madiwani wenzake amegombana sana na wanawake wenzake kama nilivyosema huyu amekuwa  katibu wa wanawake kwenye jimbo letu la Arumeru , amekuwa akigombana na mwenyekiti wake wa BAWACHA Bi. Rebeca Ngoro aliyekuwa Mbunge wetu wa Arusha , amekuwa na tabia za kijinga jinga , tabia za kitototo tabia za kipuuzi”  Bw. Golugwa anasema baaada ya hapo wamekuwa wakimuandikia barua kujibu kwa nini amekuwa akisababisha uchonganishi.

Mbali na hayo ni kwamba chama kimekuwa kikipata Malalamiko kufuatia Diwani huyo wa viti maalumu kutoshiriki kikamilifu katika utendaji na utekelezaji wa majukumu ya umma. Ambapo Bi. Josephine amekuwakichelewa kufika katika vikao au kuwahi kutoka na masuala mengine.

“Kuhusiana na Ndugu Emanuel Mollel ni kwamba amekuwa natabia ya kuombaomba , kukopa kopa kuzidi uwezo wake “ Bw. Golugwa amefafanua katiba ya chadema ukurasa wa 124 sehemu ya sita kiongozi anatarajiwa kujitosheleza yeye na familia yake kwa mapato halali na kuepukana na tabia ya kukopa kwa kuzidi uwezo wake au kuwa ombaomba kwani tabia hii itathoofisha uwezo wake wa kutoa maamuzi sahihi bila ya upendeleo .

Hata hivyo katika kuhitimisha Mh. Golugwa Mwenyekiti wa Chadema Mkoa wa Arusha na Katibu wa Chama hicho kanda ya Kaskazini amesema vikao vya chama hicho vitaendelea kuketi mapema kujadili na kulitolea maamuzi suala la uanachama wa Bi. Josephine kwa kushindwa kuzijibu tuhuma zinazomkabili dhidi ya chama.

Rasmi Chama hicho kimemfuta uanachama na kumvua dahama na udiwani ikiwa ni pamoja na mambo yote aliyowahi kuyafanya akiwa mwanachama na diwani kupitia chama hicho Ndugu Eamanuel Mollel. Huku uamuzi kuhusu Bi. Josephine ukiwa bado utasubiriwa kwa kamati ya chama hicho ambacho kitakutana mapema na kulitolea uamuzi kama iwapo Bi. Josephine atatimuliwa uanachama au la!.